📒Book Review📒
စာအုပ်နာမည်-၂၄နှစ်မှာအောင်မြင်သူ John Lee
စာရေးဆရာ-တူဒေး အယ်ဒီတာအဖွဲ့

ဒီတစ်ခါတော့ ဘာသာပြန်စာအုပ်ကောင်းလေးတစ်အုပ်ကို
ညွှန်း‌ဆိုပေးချင်ပါတယ်ခင်ဗျာ။အသက် ၂၄နှစ်နဲ့ Malaysia ဘာသာပြန်လုပ်ငန်းမှာ အောင်မြင်သူ John Lee ကိုယ်တိုင်ရေးသားထားပြီး ၂၀၀၆ ခုနှစ်မှာထွက်ရှိထားတဲ့ Great By 24 စာအုပ်လေးပဲ ဖြစ်ပါတယ်။ မြန်မာဘာသာသို့ ပြန်ဆိုသူကတော့ တူဒေးစာအုပ်တိုက်မှ တူဒေးအယ်ဒီတာအဖွဲ့ ပဲ ဖြစ်ပါတယ် ခင်ဗျာ။

📋John Lee ကတာ့ အသက်၂၀ကျော်အရွယ်မှာတင် အလုပ်အကိုင် စီးပွားရေး အောင်မြင်နေသူ ဖြစ်ပါတယ်။
၂၀၀၃ ခုနှစ်တုန်းမှာ တက္ကသိုလ်အဆာင်က  သူ့ရဲ့အခန်းလေးထဲမှာ မလေးရှားရင်းဂစ် ၂၀ နဲ့စတင်ခဲ့တဲ့ ဘာသာပြန်လုပ်ငန်းလေးဟာ ၂၀၀၆ခုမှာဆိုရင် Epsilon Translation Company တည်ထောင်ပြီးနေခဲ့ပြီး နိုင်ငံပေါင်း ၄၀ကျော်မှာ အလုပ်အပ်သူ‌များစွာ ရှိနေပါပြီ။

📋 ဒီစာအုပ်ဟာ ငယ်ရွယ်ပြီး အောင်မြင်တဲ့လူတစ်ယောက်ကပြောပြထားတဲ့ သူရဲ့လုပ်ငန်းအတွေ့အကြုံ ဘဝအတွေ့အကြုံ၊အခက်အခဲ၊ စိန်ခေါ်မှုတွေကို သူကိုယ်တိုင်ပြောပြနေသလိုမျိုး ခံစားရမှာပါ။

( Motivated ခဏဖြစ်သွားမယ့် ဘာမဆိုအောင်မြင်ပါတယ်၊အောင်မြင်အောင် ဘယ်လိုလုပ် ဆိုပြီး တက်ကျမ်းတွေထက်၊ ငယ်ရွယ်ပြီး အောင်မြင်တဲ့သူတစ်ယောက်ရဲ့ ခြေရာတွေကို လိုက်ကြည့်ရတာ စိတ်ဝင်စားစရာကောင်းပြီး ကောင်းမွန်သော လမ်းကိုလျောက်ဖို့ နည်းလမ်းဖြစ်စေမှာ)

📋ကဲ ဆို‌တော့ စာအုပ်အကြောင်းလေး သွားကြရအောင်

စာအုပ်ကတော့ အခန်း ၁၆ ခန်းပါတယ်။တစ်ခန်းစီတိုင်းမှာ
ကျွန်တော့တို့ သူ့ဆီက အကြံဉာဏ်တွေ အတွေးအခေါ်တွေ ရ‌‌စေမှာ။သူလုပ်ငန်းဘယ်လိုစခဲ့တယ်ကအစ ဘယ်လိုအလုပ်လုပ်တွေအဆုံး သူ့ရဲ့တစ်နေ့တာ အချိန်ဘယ်လို စီမံခန့်ခွဲတယ် ဒါတွေကိုတွေ့ရမှာပါ။

အခန်းတစ်ခန်းချင်းစီရဲ့ အစမှာလည်း
အောင်မြင်ကျော်ကြားတဲ့သူတွေရဲ့ အဆိုအမိန့်တွေလည်း တွေ့ရမှာပါ။အဲ့ထဲက တစ်ချို့ကို ဖော်ပြပေးချင်ပါတယ်။

"အကြီးမားဆုံး သည်းထိတ်စွန့်စားမှုသည် ဘဝကို
 မိမိစိတ်ကူး အိပ်မက်များအတိုင်း နေထိုင်ခြင်းဖြစ်သည်။"
(Oprah WinFrey)

"ကျွန်တော်တို့ အရမ်းသက်ဝင်လှုပ်ရှားနေရင် ကျွန်တော်တို့ သေသွားတဲ့အခါ သုဘရာဇာကတောင် စိတ်မကာင်းဖြစ်လိမ့်မယ်"
(Mark Twain)

📋အထူးသဖြင့် ဒီစာအုပ်လေးက လူငယ်တွေအတွက် အသက်၂၄ မတိုင်ခင်ဖတ်သင့်တဲ့စာအုပ်ဖြစ်သလို၊စီးပွားရေး လုပ်ကိုင်မဲ့သူတိုင်း လုပ်ကိုင်နေတဲ့သူတိုင်း ဖတ်သင့်တဲ့ စာအုပ်ပဲဖြစ်ပါတယ်။

စာမျက်နှာ ၁၅၅ မျက်နှာ ပါရှိပြီး ကျွန်တော်ကတော့ ၂ ရက်ဖတ်လိုက်ရပါတယ်။
(စာအုပ်ဖတ်ပြီး တစ်ခုခုရသွားလိမ့်မယ်လို့လည်း မျှော်လင့်မိပါတယ် ခင်ဗျာ။)

စာအုပ်ရရှိမယ့်နေရာများကတော့ WunZin Mobile App မှာ pdf စာအုပ် ဝယ်ဖတ်နိုင်သလို၊ Pann Satt Lann တို့ We Distribution တို့မှာလည်း မေးကြည့် မှာယူနိုင်ပါတယ်ခင်ဗျာ။

———————————————————
📖ဒီBlog ထဲမှာလည်းစာအုပ်ပေါင်းများစွာရဲ့ Review များကို ဝင်ရောက် ဖတ်ရှုနိုပါတယ်ခဗျာ။📖
———————————————————
⚡စာအုပ်ကောင်းလေးတွေကိုလည်းနောက်ထပ်မျှဝေပေးမှာမို့Myanmar Book Review PageကိုLike&Followလုပ်ထားပေးပါ​ဗျ။⚡
#၂၄နှစ်မှာအောင်မြင်သူJohnLee
#JohnLee #GreatBy24
#တူဒေးအယ်ဒီတာအဖွဲ့
#Myanmarbookreview